囍--婚紗鞋

婚紗攪定了，就要處理婚紗鞋，tailor將用剩的婚紗lace和緞布料交給我，不如就用它們做鞋吧，可與婚紗襯番。市面上, 配襯婚紗的禮服鞋都離不開高跟的涼鞋、密頭或露趾款式，鞋上配有閃石和水晶裝飾，來來去去都是這些, 我為了要與別不同，決定造短boot的款式，反正大日子是在秋冬，穿boot也無防喔，又不怕高跟鞋會有HEA踭的情況出現！

又係出動search engine既時候了，外國也有不少wedding boots既款式，只是香港不流行而已， 以下幾個是我心儀的，有些online shop會接受網上落order訂造, 我就當然找本地商舖來款訂造啦！

香港也有很多專門訂造鞋的店舖，太子的金都有很多選擇，但以前我在金都訂造跳舞鞋有過不好的經驗， 所以不會考慮。 我也曾在尖沙咀的Bespoke訂造過兩對跳舞鞋都唔錯，所以就決定帶埋布料和圖樣去傾吓！老闆話因為boot款比普通高跟款難做，為了造得更貼腳和不會浪費了布料，他會先做個鞋套，即係試版，才做正式的。

圖樣

鞋套

就係咁，對婚紗鞋就完成喇！講真，套婚紗是掂地的，對婚紗鞋不會有很多露面既機會，點解要花咁多心機去訂造呢？咪就係想打破死板囉！所以我都特地捉住攝影師幫我對鞋影張相啦！

Bespoke 百利訂造鞋店:

尖沙咀柯士甸道148號c地下